Góðgerðarfest Blue

Góðgerðarfest Blue

Góðgerðarfest Blue er svo miklu meira en eitt gott kvöld.

Hátíðin varð til út frá einfaldri hugmynd, að leiða saman fyrirtæki og einstaklinga sem vilja láta gott af sér leiða og beina kraftinum sem skapast að verkefnum sem skipta samfélagið raunverulegu máli.

Frá upphafi hefur markmiðið verið að styðja við félagasamtök, úrræði og samfélagsverkefni sem vinna mikilvægt starf, með sérstakri áherslu á börn og fullorðna með auknar stuðningsþarfir og verkefni sem styrkja nærsamfélagið.

Við sköpum tækifæri

Á síðustu árum hefur Góðgerðarfest vaxið úr góðri hugmynd í eitt stærsta samfélagsverkefni Blue.

Frá upphafi hafa safnast yfir 106 milljónir króna sem runnið hafa til fjölbreyttra samfélagsverkefna og félagasamtaka.

Árið 2025 eitt og sér söfnuðust yfir 30 milljónir króna sem var úthlutað til 25 málefna.

Við gerum það saman

Góðgerðarfest væri ekki mögulegt án þeirra fjölmörgu fyrirtækja og einstaklinga sem hafa staðið með verkefninu ár eftir ár.

Hver króna sem safnast rennur óskipt til þeirra málefna sem hljóta styrk.

Það er þessi samtakamáttur sem er hjartað í Góðgerðarfest. Þegar fyrirtæki, einstaklingar, starfsfólk, sjálfboðaliðar og samfélagið koma saman getum við gert miklu meira en hvert okkar gæti gert eitt og sér.